|
|
FÖR PLATT e.V. |
|
Wat för Kinner
Memory-Speel in Platt De Vereen „De Plattdüütschen“, de in'n Landkreis Stood (Stade) tohuus is, sett sik düchtig dorför in, dat Plattdüütsch an de nächste Generatschoon wiedergeben warrt. He hett tohoop mit Erzieherinnen vun de Arbeitsgemeenschop „Fördern vun de plattdüütsch Spraak in'n Kinnergoorn“ en ne'et Gedächtnis-Speel för junge un öllere Lüüd tohoopstellt. Dat sünd 33 lütte Tafeln mit Biller vun Saken un Deerten, un dat plattdüütsche un ok dat hoochdüütsche Woort staht jümmers dor ünner. Dat maakt Kinner veel Spaaß – meist künnt se sik jo beter as de Groten marken, wo bestimmte Korten liggen doot. Denn lehrt se de plattdüütschen Wöör glieks blangenbi. Dat Speel warrt in'n Landkreis Stood an Kinnergoorns, Speelkreise un Scholen ümsünst afgeven. För anner Lüüd köst dat 7,50 €. Egentlich müssen sik dat alle Kinnergoorns un Scholen doch leisten künnen, meen ik. Bestellen kann en dat bi dat Plattdüütschbüro: Isa Steffen, Holzstraße 20, 21702 Ahlerstedt, Tel. 04144 8050. * * * * *
“Tüdel-Büdel” - en anner Gedächtnisspeel Keen sik al en beten mehr mit Plattdüütsch utkennt, de kann sik en anner Speel utsöken. Dor warrt Wöör söcht, de ut twee korte Wöör tohoopsett sünd. Düsse beiden mutt en nu finnen. Dat eerste höört to de Sorte “Tüdel” un dat anner, de tweete Hälft, höört to de Sorte “Büdel”. Wenn se tohooppasst, süht en dat an de glieke Farv. Dor find wi denn den “Spöken-Kieker”, den “Buller-Baller”, den “Bang-Büx” un annerswat. Öber düsse Wöör künnt sik Kinner jo ok düchtig amüseern. Michael Schmitz, Roland Pecher un Walter Soiron hebbt sik dat utdacht, un de Anaconda Verlag, Subbelrather Straße 543a, 50827 Köln hett dat up'n Markt bröcht (ISBN 978-3-86647-299-0).
* * * * *
All de Vagels sünd all dor (Rap up Platt)
Refrain: Wi snackt Platt, nich irgend wat,
wi snackt Platt, nich irgend wat.
Strophe: Ok de Vagels singt hüüt platt.
All de Vagels all.
All de Vagels sünd all dor,
all de Vagels all.
Amsel ,Drossel ,Fink un Spreen,
all hebbt wi se höört un sehn,
all singt se so wunnerschöön,
all de Vagels, all.
Refrain: Wi snackt platt…
Strophe: Ok de Vagels singt hüüt platt…
Refrain: Anne + Lea Wi snackt platt, Jojo + Aileen nich irgend wat. Anne+ Lea + Jojo + Aileen Wi snackt platt, nich irgend wat. Jojo + Aileen Wi snackt platt, Anne + Lea nich irgend wat. Jojo + Aileen Wi snackt platt, Anne + Lea Nich irgend wat!!!
De Kattendanz
Danzt un danzt blots up een Been! Keem de Swinegel na de Katt denn: „Leewste, giff mi mal dien Poot hen!“ „Mit en Swinegel danz ick nich! Is mi veel to stickelig!“ Un de Katt , de danzt alleen, Danzt un danzt blots up een Been.
Keem de Haas nu na de Katt denn: „Leewste, giff mi mal dien Poot hen!“ „Mit en Haas, dor danz ick nich! Is mi veel to hibbelig!” Un de Katt , de danzt alleen, Danzt un danzt blots up een Been.
Keem dat Swien nu na de Katt denn: „Leewste, giff mi mal dien Poot hen!“ „Mit en Swien, dor danz ick nich! Is mi veel to pummelig!“ Un de Katt , de danzt alleen, Danzt un danzt blots up een Been.
Keem de Hund nu na de Katt denn: „Leewste, giff mi mal dien Poot hen!“ „Mit en Hund, dor danz ick nich! Denn de bellt so förchterlich!“ Un de Katt , de danzt alleen, Danzt un danzt blots up een Been.
Keem de Kater na de Katt hen, Lickt ehr leev un sööt de Poten, Striekelt ehr un küsst ehr sacht. So hett se sik dat ok dacht. Un denn danzen se to tween Över Stock un över Steen. Elkeen Muus in’t Muuslock schreit: „Wat’n Glück, dat se sik dreiht!“
Böker för Kinner:
Janosch De Bremer Stadtmuskanten übersetzt von Gesine Reichstein Edition Temmen ISBN 3-86108-563-1
Lemmermann, Birgit Ut de Kinnertiet vun Emil Bilderbuch für Kleinkinder Verlag Wilhelm Schintz Druck, Bremen ISBN 3-980 1388-4-4
Lemmermann, Birgit Ut’n Leven vun Emil Bilderbuch für Kleinkinder Verlag Wilhelm Schintz Druck, Bremen ISBN 3-980 1388-5-2 Meyer, Klaus Pußti, mien Pußti Billerbauk Hinstorff Verlag Rostock ISBN 3-356-00420-4
Meyer, Klaus Pußti bi de Aapen Billerbauk Hinstorff Verlag Rostock ISBN 3-356-00691-6
Amery, Heather u. Mien eersten dusend Wöör Plattdüütsch Cartwright, Stephen Verlag Nordfriisk Institut ISBN 3-88007-266-3
Mandel, Armin De Struwwelpeter op Platt Hinstorff Verlag Rostock ISBN 3-356-00358-5 |
|